Boshginam og’riydi – Бошгинам огрийди Xalq qo’shiqlari
– Onajon, onajon!
Boshginam og’riydi-ya.
– Boshginangdan onang aylansin,
Nimalarga og’riydi-ya?
– Bozorlarda bo’lar ekan,
Zargarlarda turar ekan,
Uning oti tillaqosh,
O’shanga og’riydi-ya!
– Onajon, onajon!
Bo’yniginam og’riydi-ya.
– Bo’yniginangdan onang aylansin,
Nimalarga og’riydi-ya?
– Bozorlarda bo’lar ekan,
Zargarlarda turar ekan,
Uning oti bo’yintumor,
O’shanga og’riydi-ya!
– Onajon, onajon!
Quloqqinam og’riydi-ya.
– Quloqqinangdan onang aylansin,
Nimalarga og’riydi-ya?
– Bozorlarda bo’lar ekan,
Zargarlarda turar ekan,
Uning oti oltin isirg’a,
O’shanga og’riydi-ya!
