Асқад Мухтор Йўл шеъри. Asqad Muхtоr Yo‘l she’ri. Аскад Мухтор Йул шеъри.
Ostonamdan taralgan yo‘llar
Eslatadi quyosh nurini.
Uzoq-uzoqlarga ketib, uzayib,
Uzaytadi mening umrimni.
Yurganlarni daryo deydilar,
Daryo – cheksiz umr ertagi.
Bir kun uyda o‘ltirib qolsam,
Hayot go‘yo chetlab o‘tadi.
«Ko‘rganing – seniki», – der edi bobom,
Ellarni, dillarni kerak ko‘rishim.
Ochilmagan qo‘riq, noma’lum yulduz
Bari-bari – mening ulushim.
Ijod dardi yo‘l azobidir,
Mayli, bo‘lsin tumanlar quyuq.
Ruhim bilan yo‘lda ekanman,
Umrimning ham nihoyasi yo‘q.
Asqad Muхtоr hayoti va ijodi >>
Savol va topshiriqlar:
- Shoir qanday mantiq asosida yo‘llarni quyosh nurlariga o‘х-shatmoqda? Uzoq-uzoqlarga ketgan yo‘llar qanday qilib inson umrini uzaytirishi mumkin?
- «Bir kun uyda o‘ltirib qolsam, Hayot go‘yo chetlab o‘tadi» misralari orqali lirik qahramonning hayotga munosabati to‘g‘risida fi kr yuriting.
- Uchinchi bandda shoir nima uchun ochilmagan qo‘riq, noma’lum yulduzni o‘zining ulushi deb biladi?
- Oхirgi bandda «yo‘l» so‘zi qanday ma’no kasb etayotganiga diqqat qiling. «Ruhim bilan yo‘lda ekanman» misrasini qanday tushundingiz?
- Shoir uchun yo‘l ijod bo‘lsa, boshqa insonlar uchun yo‘l qanday mazmun kasb etishi mumkin? Siz uchun-chi?